Tokante Nos

ABVO a keda fundá riba djamars 14 di aprel 1936 den un reunion ku a tuma lugá den Otrobanda den e edifisio di Kranshi ku tabata situá den Curaçaostraat, unda awendia tin ofisina di Fekoskan, bou di e nòmber di Algemene Curaçaosche Ambtenarenbond (ACAB).

E promé direktiva tabata konsistí di:

• P. TH. Krafft (Postdirekteur) Presidente,

• Mr. M. F. da Costa Gomez (Ambtenaar Openbaar Ministerie) Sekretario,

• W.  F.M. Lampe (Miembro Hof van Justitie) Tesorero,

• L. T. Jansen (Gouvernementsaccountant) Visepresidente ,

• E. A. Römer (Ontvanger Inspektie der Invoerrechten en Accijnzen) Segundo  Sekretario,

• C. H. Balbain de Verster, Segundo Tesorero,

• i komisarionan R. J. Beaujon, L. de Hoop i J. W. Peilleker (Hefe di Landsradiodienst).

Statutonan di ABVO a keda rekonosé pa Gobièrnu pa medio di dekreto gubernamental di 16 di mei 1936.

Despues ku ABVO a ekspandé su alanan pa Aruba su nòmber a ser kambiá pa ANAAF (Algemene Nederlands Antilliaanse Ambtenaren Federatie). Mas lat den añanan 60, e nòmber a keda kambiá den esun aktual ABVO (Algemene Bond voor Overheidspersoneel) i a keda ku representashon di ámtenarnan di Aruba te na momento ku a lanta e sindikato SEPA (Sindikato di empleado públiko di Aruba). Na aña 2000 pa motibu di e independisashon di diferente servisionan di gobièrnu, ABVO a kambia su statüt di manera ku aktualmente ABVO por representá trahadónan den tur sektor.

ABVO ta un sindikato idiologiko ku su meta ta pa traha pa progreso di su miembro i nan famia.
Tambe pa e sosiedat en partikular.

Hasiendo esaki ku strategia sindikal pa logra:
Kontratonan Kolektivo, Formashon, Kapasitashon, Edukashon i aktualisashon di su miembronan.
Esaki ta pa nos tin miembronan kompetitivo riba e merkado laboral.

Na mes momentu traha den harmonia ku otro organisashonnan sosial na benifisio di e klase trahadó i e komunidat.

ABVO ta e organisashon ku lo marka e diferensia den e region di Karibe i Latino Amerika.

Nos lo re-inventá sindikalismo.