Kampaña pa miembronan di ABVO bálido pa Kòrsou, Boneiru, St. Maarten i St. Eustatius
Prosedimentu kon miembronan por partisipá na e kampaña di ABVO
Stap 1:
Tur miembro di ABVO ku eksepshon di miembro nan di Direktiva ku trese mínimo 2 persona pa bira miembro di ABVO por partisipá.
Stap 2:
Mester yena bo nòmber i ID riba e formulario di e persona ku bo ke hasi miembro.
Stap 3:
E formulario ta disponibel:
Stap 4:
E formulario por wòrdu entrega digital, na ofisina di ABVO òf via di mail s.monte@abvo.info.
Stap 5:
Na momento ku mínimo 2 di e prospekto miembronan nobo aki keda registrá komo miembronan nobo di ABVO (segun artíkulo 4, insiso 2), e miembro ku a introdusí nan su nòmber lo bai den un tómbola.
Stap 6:
Sakamentu di premio ta tuma lugá den 3 periodo. Na momentu ku bo partisipá den e promé periodo di 14 di mart pa 12 di aprel 2023, outomátikamente bo ta partisipá tambe na e premio final di novèmber 2023. E premio ta wòrdu saka 14 di aprel 2023.
Pa partisipá den e di 2 periodo ku ta di 15 aprel pa 12 yüli 2023 bo mester bolbe tene kuenta ku e promé stap nan ariba indiká. E premio ta wòrdu saka 14 yüli 2023.
Pa e último periodo 15 yüli pa 12 novèmber 2023 e partisipante nan di e promé i di dos periodo ta partisipá outomátikamente pa e premio final. E premio ta wòrdu saka 14 novèmber 2023.
Stap 7:
E kampaña aki lo kuminsá dia 14 di mart 2023 i lo terminá 12 di novèmber 2023.
Stap 8:
Sakamentu di premio lo tuma lugá na ofisina di ABVO den presensia di un Notaris. Ganadó lo wòrdu kontaktá via telefòn òf via meil. E grabashon di esaki lo bai riba Wèpsait, Face Book i Instagram di ABVO.
PREMIO
E promé fecha di saka premio ta tuma lugá 14 di aprel próksimo ku lo ta e aniversario di ABVO.
E miembro partisipante (ku a kumpli ku tur e kriterionan indiká) ta gana un (1) voucher ku sea Divi Divi òf Ez Air, un estadia di un wikènt pa 1 persona, sea na Eden Hotel na Boneiru òf na Acoya Hotèl na Kòrsou, alabes lo risibí un kompensashon di dosshentisinkuenta (250) florin pa e wikènt.
E di dos premio ta tuma lugá dia 14 di yüli 2023.
E miembro partisipante ta gana un (1) voucher ku sea Divi Divi of Ez Air, un estadia di un wikènt pa 1 persona, sea na HYAT Hotèl na Aruba, Eden Hotèl na Boneiru òf na Acoya Hotèl na Kòrsou, alabes lo risibí un kompensashon dosshentisinkuenta (250) florin pa e wikènt.
Dia 14 di novèmber 2023 lo rifa un voucher pa Hulanda entre e miembronan di ABVO ku durante henter aña a introdusí 2 òf mas miembro nobo pa ABVO